Mosamoon kay ataab hotey hein
Warna chehrey gulaab hotey hein

Kijiye kia kisi ki gham khuaari
Apney kia kam azaab hotey hein

Zakhm bhe chehragi sawaali hai
Aaeeney la jawaab hotey hein

Tashnagi ka bharam na khul jaaye
Raastey mein saraab hotey hein

Aakhri sach hai sirf tanhai
Khaab aakhir ko khaab hotey hein

Yeh aaeney se akeley mein guftugu kia hai
Jo mein nahi to phir terey ru ba ru kia hai

Izi ummeed pe kaati hai zindagi mein ne
WO kaash poochte mujh se ke aarzo kia hai

Yeh rang-e-gul, yeh shafaq aur yeh taabishein anjum
Tera jamal nahi hai to chaar su kia hai

Kioon un ke saamne tum dil ki baat karte ho
Jo khud samajhte nahi dil ki aabru kia hai

Kaash aisa koi manzar hota
Merey kaandhey pey tera sar hota

Jama karta jo mein aaye huye sang
Sar chupaaney kay liye ghar hota

Iss bulandi pey buhat tanha hoon
Kaash mein sab kay barabar hota

Uss ney uljha dia dunya mein mujhey
Warna aik aur qalandar hota

Kaash aisa koi manzar hota
Merey kaandhey pey tera sar hota

 PREVIOUS   1 2 3 4 5 6